Sel - Hótel Mývatn - Páskatilboð

Páskatilboð

Er ekki tilvalið að skreppa í Mývatnssveit um páskana og slappa af á notalegu hóteli, láta dekra við sig og njóta þess sem Mývatnssveit hefur upp á að bjóða.

Bjóðum tilboð í gistingu um páskana.

kr. 5.450.- á mann
í tveggja manna herbergi með morgunverði
7.900.- í eins manns herbergi með morgunverði
þriðja nóttin frí

Veitingastaðurinn verður lokaður laugardaginn 3. apríl vegna einkasamkvæmis

*******************

Píslargangan

Píslargangan verður á sínum stað á föstudaginn langa en þó með örlítið breyttu sniði. Dagurinn hefst á því að prestarnir sr. Þorgrímur Daníelsson á Grenjaðarstað og sr. Örnólfur Ólafsson á Skútustöðum syngja morguntíðir í Reykjahlíðarkirkju kl. 8:45.

Gangan hefst síðan við kirkjuna kl. 09:00 og er lagt að stað undir klukknahljómi kirkjunnar. Engin tímamæling eða skráning fer fram en við upphaf göngunnar og einnig að henni lokinni liggur frammi gestabók og er vel þegið að göngufólk skrifi nafn sitt í hana og aðrar hugleiðingar um viðburð þennan.

Selt verður merki göngunnar til að standa undir kostnaði og er verði stillt í hóf.
Bíll fylgir göngufólki þar sem hægt er að geyma skó, föt til skiptanna og nesti.

Sr. Örnólfur mun lesa passíusálmana í Skútustaðakirkju í tilefni dagsins og er upplagt að gera hlé á göngunni og hlýða á nokkra sálma.

*******************

Tónleika Ljótu hálfvitanna verða í Skjólbrekku á föstudaginn langa kl. 21.30.

*******************

Kammertónleikar í Mývatnssveit

Mývetningar, ferðafólk.
Munið hina árlegu páskatónleika.

Í Skjólbrekku á skírdag 1. apríl kl. 20:00.

Sjóðheit tangótónlist frá Argentínu ásamt þekktumSönglögum, íslenskum og erlendum.

Í Reykjahlíðarkirkju föstudaginn langa 2. apríl kl. 21:00.

Þar verður flutt tónlist eftir m.a. Bach, Corelli, Bottesini, Chopin.

Flytjendur eru:
Gissur Páll Gissurarson tenór
Laufey Sigurðardóttir fiðla
Hávarður Tryggvason kontrabassi
Kristinn H. Árnason gítar
Jón Þorsteinn Reynisson harmonika
Aladar Rácz píanó/orgel.

Aðgöngumiðar seldir við innganginn.