Sel - Hótel Mývatn - Mývatn open

Mývatn open

Mývatn Open – Hestar á ís 2010

Fimmtudagur 11. mars

Við vorum í morgun að skoða ísinn og lítur hann bara mjög vel út, þykktin er um 50cm. Við skófum brautina fyrir síðustu hláku og virðist hún koma vel undan þegar allt er farið að frjósa aftur. Einnig lítur vel út með reiðleiðina sem farin verður á morgun og ef veðurspáin gengur eftir verður þetta flott hópreið út að Hrútey sem er ein af flottu eyjunum í Mývatni. Við viljum vekja athygli á því að vegna nokkura áskoruna hefur hópreiðinni verið seinkað til kl. 17 og mæting kl 16:30.

Hér eru svo nokkrar myndir af ísnum kl. 8:00 í morgun - flottur morgun hér við Mývatn, ekki mikill snjór en ísinn á sínum stað.

mynd0034

mynd0033

Föstudagur 12.mars

Hópreið um Mývatn kl. 16:30 - 18:30 (breyttur tími)

Laugardagur 13. mars

Kl. 10:30          Tölt B   Ekkert aldurstakmark
Kl. 13:00          Tölt A
                       Stóðhestakeppni
                       Skeið
                       Verðlaunaafhending yfir kaffihlaðborði í Selinu
Kl. 19:30          Húsið opnar fyrir stemmingu kvöldsins,
                       Videosýning frá afrekum dagsins á breiðtjaldi
Kl. 20:30           Hestamannahóf hefst - öllum opið.
Kl. 23:30           Kráarstemning fram á nótt

                       Kiddi spilar fyrir dansi, frítt inn.

Stóðhestakeppni- þar sem að alhliða og klárhestar etja kappi saman. Riðnar verða þrjár ferðir fram og til baka(samtals 6.ferðir) Fyrsta ferð hægt tölt og milliferðartölt til baka. Önnur ferð brokk og yfirferð til baka og má þá knapi velja milli skeiðs og tölts. Þriðja ferðin er svo frjáls báðar leiðir , þar sem knapinn má sýna allt það besta sem hesturinn hefur uppá að bjóða.

Skráningar þurfa að berast í síðasta lagi fyrir kl. 23:55 Miðvikudagskvöldið 10.mars á netfangið 53ulfar@gmail.com (Úlfar s. 8561173).

Upplýsingar um nafn, föður, móður, lit, aldur, eiganda og knapa þurfa að koma fram
(IS númer).

Skráningargjald er kr. 3.000,- og er borgað á staðnum í síðasta lagi klukkutíma áður en keppni hefst.

Sel-Hótel Mývatn býður upp á gistitilboð
kr. 5.450,- á mann í tveggja manna herbergi og aukanótt 3.900,- á mann með morgunmat. Kr. 7.900,- í eins manns herbergi. Morgunmatur innifalinn.

Þriggja rétta glæsilegur kvöldverður og hestamannahóf á laugardagskvöldinu verð kr. 5.900,- á mann.